Showing posts with label Functions. Show all posts
Showing posts with label Functions. Show all posts
2015-16 അധ്യയന വര്ഷം പ്രവേശനോല്‍സവം
ഓണാഘോഷം 2014
ഓണം മലയാളികളുടെ സംസ്ഥാനോൽസവമാണ്. ലോകത്തിന്റെ നാനാഭാഗത്തുമുള്ള മലയാളികൾ ജാതിമത ഭേദമന്യേ ഈ ഉത്സവം ആഘോഷിക്കുന്നു.
ഓണം സംബന്ധിച്ച് പല ഐതിഹ്യങ്ങളും ചരിത്രരേഖകളും നിലവിലുണ്ടെങ്കിലും ഓണം ആത്യന്തികമായി ഒരു വിളവെടുപ്പു അഥവാ വ്യാപാരോത്സവമാണെന്ന് കരുതിപ്പോരുന്നു. കേരളത്തിൽ ഓണം തമിഴ്‌നാട്ടിൽ നിന്നും സംക്രമിച്ചതാണെന്നാണ് വിദഗ്ദ്ധമതം. എല്ലായിടത്തും അത് ക്ഷേത്രോത്സവമായിട്ടായിരുന്നു തുടങ്ങിയതെങ്കിലും പിന്നീട് അത് ഗാർഹികോത്സവമായി മാറി.
ചിങ്ങമാസത്തിലെ അത്തം നക്ഷത്രം മുതൽ തുടങ്ങുന്ന ഓണാഘോഷം തിരുവോണം നാളിൽ പ്രാധാന്യത്തോടെ ആഘോഷിക്കുകയും ചതയം നാൾ വരെ നീണ്ടു നിൽക്കുകയും ചെയ്യുന്നു. തൃക്കാക്കരയാണ്‌ ഓണത്തപ്പന്റെ ആസ്ഥാനം. അവിടെയാണ്‌ ആദ്യമായി ഓണാഘോഷം നടത്തിയത് എന്നാണ്‌ ഐതിഹ്യമെങ്കിലും അതിനേക്കാൾ വളരെ മുൻപേ തന്നെ തമിഴ് നാട്ടിലും മറ്റും ഓണാഘോഷം നടന്നിട്ടുള്ളതായി സംഘ കൃതികൾ വെളിപ്പെടുത്തുന്നു. സംഘകാലകൃതിയായ 'മധുരൈകാഞ്ചി 'യിലാണ്‌ ഓണത്തെക്കുറിച്ചുളള (ഇന്ദ്രവിഴാ) ആദ്യപരാമർശങ്ങൾ കാണുന്നത്‌. കാലവർഷം കഴിഞ്ഞ് മാനം തെളിയുന്ന ഈ കാലത്താണ് വിദേശകപ്പലുകൾ പണ്ട് സുഗന്ധദ്രവ്യ വ്യാപാരത്തിനായി കേരളത്തിൽ കൂടുതലായി അടുത്തിരുന്നത്. അങ്ങനെ സ്വർണ്ണം കൊണ്ടുവരുന്ന ഈ മാസത്തെ പൊന്നിൻ ചിങ്ങമാസമെന്നും ഓണത്തെ പൊന്നോണമെന്നും വിളിക്കാനുള്ള കാരണമതാണ്. കേരളത്തിൽ വിളവെടുപ്പിനേക്കാൾ അതിന്റെ വ്യാപാരത്തിനായിരുന്നു പ്രാധാന്യം എന്നതാണ് ഇന്ദ്രവിഴയും ഓണവും തമ്മിൽ ഉണ്ടായ വ്യത്യാസത്തിനു കാരണം.
സ്വാതന്ത്ര്യ ദിന ആഘോഷം 2014
ആഗസ്റ്റ് 15 - ഓരോ ഭാരതീയനും അഭിമാനത്തിന്‍റെ അവിസ്മരണീയമായ ചരിത്രദിനമാണ്. വൈദേശികാധിപത്യത്തില്‍ നിന്ന് ഇന്ത്യയ്ക്ക് പൂര്‍ണ്ണമായും സ്വാതന്ത്യം ലഭിച്ച സുദിനം.
നാളുകള്‍ നീണ്ട സഹനസമരങ്ങളും പ്രതിഷേധങ്ങളും ജീവത്യാഗവും വഴി ഭാരതീയരുടെ സ്വാതന്ത്ര്യം എന്ന അവകാശം ഫലപ്രാപ്തിയിലെത്തിയ ദിനമാണ് 1947ലെ ആഗസ്റ്റ് 15. സമുദ്രമാര്‍ഗ്ഗം വ്യാപാര- വാണിജ്യ ആവശ്യങ്ങള്‍ക്കായി ഇന്ത്യയിലെത്തിയ പാശ്ചാത്യര്‍ ക്രമേണ ആധിപത്യം സ്ഥാപിച്ച് സര്‍വ്വാധികാരികളായി . ഗാന്ധിജി , ദാദാഭായ് നവറോജി, ബാലഗംഗാധര തിലകന്‍ , സുഭാഷ് ചന്ദ്രബോസ് , ഭഗത് സിംഗ്, ഝാന്‍സി റാണി ,പഴശ്ശി രാജ, വേലുത്തമ്പി ദളവ , അക്കാമ്മ ചെറിയാന്‍ ,ക്യാപ്റ്റന്‍ ലക്ഷ്മി, തുടങ്ങി എണ്ണമറ്റ ധീരദേശാഭിമാനികളുടെ നേതൃത്വത്തില്‍ ഇന്ത്യക്കാര്‍ നമ്മുടെ രാജ്യത്തെ സ്വതന്ത്രമാക്കാന്‍ കടുത്ത ഭീഷണികളെയും കൊടിയ ദണ്ഡനമുറകളെയും ഒന്നും വകവെയ്ക്കാതെ സുധീരം പോരാടി. ഭാരതത്തെ വിദേശ രാജ്യങ്ങള്‍ക്ക് മുന്നില്‍ അടിയറവ് വെച്ച് അവരുടെ അടിമകളായി കഴിയാന്‍ അവര്‍ തയ്യാറായിരുന്നില്ല. അടിമത്തത്തിനെതിരെ അതിനു മുന്‍പ് നടന്ന സമരങ്ങളില്‍ നിന്നെല്ലാം വളരെ വ്യത്യസ്തമായ മാര്‍ഗ്ഗമായിരുന്നു ഭാരതം അവലംബിച്ചത് . ഗാന്ധിജിയുടെ നേതൃത്വത്തില്‍ നടന്ന സഹനസമരത്തിന്‍റെയും സത്യഗ്രഹത്തിന്‍റെയും ഈ പോരാട്ടം പില്‍ക്കാലത്ത് അടിച്ചമര്‍ത്തലുകള്‍ക്ക് എതിരെ ലോകത്തിന്റെ വിവിധ ഭാഗങ്ങളില്‍ നടന്ന സമരങ്ങളെ സ്വാധീനിച്ചു എന്നത് ചരിത്രസത്യം. സ്വാതന്ത്ര്യത്തിനായി പോരാടിയവരുടെ വീരസ്മരണകളുമായി സ്വാതന്ത്ര്യത്തിന്‍റെ ചരിത്രമൂല്യം പുതുതലമുറയ്ക്ക് പകര്‍ന്നുകൊണ്ട് നിറപ്പകിട്ടാര്‍ന്ന പരിപാടികളുമായി ഇന്ത്യന്‍ ജനത ആഗസ്റ്റ് 15 സ്വാതന്ത്ര്യ ദിനമായി കൊണ്ടാടുന്നു.
നാളുകള്‍ നീണ്ട സഹനസമരങ്ങളും പ്രതിഷേധങ്ങളും ജീവത്യാഗവും വഴി ഭാരതീയരുടെ സ്വാതന്ത്ര്യം എന്ന അവകാശം ഫലപ്രാപ്തിയിലെത്തിയ ദിനമാണ് 1947ലെ ആഗസ്റ്റ് 15. സമുദ്രമാര്‍ഗ്ഗം വ്യാപാര- വാണിജ്യ ആവശ്യങ്ങള്‍ക്കായി ഇന്ത്യയിലെത്തിയ പാശ്ചാത്യര്‍ ക്രമേണ ആധിപത്യം സ്ഥാപിച്ച് സര്‍വ്വാധികാരികളായി . ഗാന്ധിജി , ദാദാഭായ് നവറോജി, ബാലഗംഗാധര തിലകന്‍ , സുഭാഷ് ചന്ദ്രബോസ് , ഭഗത് സിംഗ്, ഝാന്‍സി റാണി ,പഴശ്ശി രാജ, വേലുത്തമ്പി ദളവ , അക്കാമ്മ ചെറിയാന്‍ ,ക്യാപ്റ്റന്‍ ലക്ഷ്മി, തുടങ്ങി എണ്ണമറ്റ ധീരദേശാഭിമാനികളുടെ നേതൃത്വത്തില്‍ ഇന്ത്യക്കാര്‍ നമ്മുടെ രാജ്യത്തെ സ്വതന്ത്രമാക്കാന്‍ കടുത്ത ഭീഷണികളെയും കൊടിയ ദണ്ഡനമുറകളെയും ഒന്നും വകവെയ്ക്കാതെ സുധീരം പോരാടി. ഭാരതത്തെ വിദേശ രാജ്യങ്ങള്‍ക്ക് മുന്നില്‍ അടിയറവ് വെച്ച് അവരുടെ അടിമകളായി കഴിയാന്‍ അവര്‍ തയ്യാറായിരുന്നില്ല. അടിമത്തത്തിനെതിരെ അതിനു മുന്‍പ് നടന്ന സമരങ്ങളില്‍ നിന്നെല്ലാം വളരെ വ്യത്യസ്തമായ മാര്‍ഗ്ഗമായിരുന്നു ഭാരതം അവലംബിച്ചത് . ഗാന്ധിജിയുടെ നേതൃത്വത്തില്‍ നടന്ന സഹനസമരത്തിന്‍റെയും സത്യഗ്രഹത്തിന്‍റെയും ഈ പോരാട്ടം പില്‍ക്കാലത്ത് അടിച്ചമര്‍ത്തലുകള്‍ക്ക് എതിരെ ലോകത്തിന്റെ വിവിധ ഭാഗങ്ങളില്‍ നടന്ന സമരങ്ങളെ സ്വാധീനിച്ചു എന്നത് ചരിത്രസത്യം. സ്വാതന്ത്ര്യത്തിനായി പോരാടിയവരുടെ വീരസ്മരണകളുമായി സ്വാതന്ത്ര്യത്തിന്‍റെ ചരിത്രമൂല്യം പുതുതലമുറയ്ക്ക് പകര്‍ന്നുകൊണ്ട് നിറപ്പകിട്ടാര്‍ന്ന പരിപാടികളുമായി ഇന്ത്യന്‍ ജനത ആഗസ്റ്റ് 15 സ്വാതന്ത്ര്യ ദിനമായി കൊണ്ടാടുന്നു.
Subscribe to:
Posts (Atom)
